Breaking News

Գյումրիում պայմանագրային ռուս զինծառայողը սպանել է ծառայակցին, այնուհետև ինքնասպան եղել

ՌԴ պայմանագրային զինծառայողը ՀՀ տարածքում կրակել է ծառայակցի վրա եւ սպանել նրան, ապա ինքնասպան է եղել, հայտնում է Հարավային զինվորական օկրուգի մամուլի ծառայությունը։

«Հոկտեմբերի 23-ին «Ալագյազ» հրաձգարանում վարժանքներից հետո զենքը հանձնելու ժամանակ պայմանագրային ծառայության զինծառայողը կոպտորեն խախտել է անվտանգության կանոններն ու ոչ կանխամտածված կրակ բացել ինքնաձիգից՝ մահացու հրազենային վիրավորում հասցնելով մեկ այլ պայմանագրային զինծառայողի։ Կատարվածից եւ ծառայակցի մահվան համար պատասխանատվությունից վախենալով՝ նա ինքնասպան է եղել»,- ասվում է հայտարարության մեջ։

Նշվում է, որ կատարվածի հանգամանքները պարզելու համար տեղում աշխատում է Հարավային զինվորական օկրուգի հանձնաժողովը։

Check Also

Երեկ Բաքվից վերադարձած ռազմագերիներից մեկը ձերբակալվել է․ ՔԿ

Երեկ Հունգարիայի կառավարության միջնորդությամբ Բաքվից վերադարձած 5 հայ ռազմագերիներից մեկը ձերբակալվել է, նշել է Քննչական …