Breaking News

Առևտրականները՝ ընդդեմ օնլայն հաշվետվության. բողոքի ակցիա ԱԺ-ի դիմաց

Առինջի և Սուրմալուի տոնավաճառի առևտրականներն բողոքի ակցիա են անցկացնում Ազգային ժողովի շենքի մոտ։ Նրանց չի գոհացնում հարկայինի այն պահանջը, ըստ որի՝ ապրանքաշրջանառությունը պետք է կազմեն ու լիազոր մարմնին ներկայացնեն նաև օնլայն տարբերակով։

«Համերաշխություն» ՀԿ նախագահ Արմեն Ներսիսյանի տեղեկացմամբ՝ Առինջի և Սուրմալուի տոնավաճառի առևտրականներին «ահաբեկում» են. «Իրենց խոսքով շուկաների մոտ կանգնում են օպերվարչության տղաները՝  փաստաթուղթ են պահանջում: Ով փաստաթուղթ չի ունենում 240 հազար դրամ տուգանում են: Ամբողջ հարցը այն է, որ 3 գործողությունով մենք պետությանը փող ենք վճարում, էդ 1.5 տոկոսն էլ պատրաստ ենք գլխից վճարել, միայն հանգիստ մեզ հանգիստ թողնեն՝ էդ փաստաթղթի քաշքշուկներից»,- նշեց Արմեն Ներսիսյանը՝ տեղեկացնելով, որ 3 անգամ հանդիպում է ունեցել ՊԵԿ պաշտոնյաների հետ, բայց մինչ օրես չեն կարողացել իրենց համար ելք գտնել, որն ավելի ճիշտ ու արդյունավետ կլինի.«Առաջ գոյություն ունեին կարգոներ, որոնք զբաղվում էին մարդկանց ապրանքը օտար երկրներից բեռնափոխադրմամբ: Հիմա  էլ չի լինի այնպես, որ կարգոնները զբաղվեն: Զբաղվում է մի ընկերություն, իսկ կարգոները միայն բեռնափոխադրմամբ են զբաղվում, այսինքն՝ մի քաղաքացու ապրանքը բերելու համար 3 գործողություն է կատարվում»,-նշեց նա:

Առևտրականները նշում են, որ չեն խուսափում հարկեր վճարելուց, սակայն հիմա իրենց բեռն ավելանալու է և ստիպված են լինելու նոր աշխատակիցներ ներգրավել այս գործընթացը կատարելու համար, ինչը շահեկան չէ, քանի որ առևտրի ծավալները տոնավաճառներում նվազել են։

ArmLife.am

 

Check Also

Ինչպես կարող են Ուկրաինայի հակամարտությունն ու ռուբլու փոխարժեքն ազդել ՀՀ տնտեսության վրա

Ուկրաինայում զինված հակամարտության պատճառով ռուբլու փոխարժեքը հիմնական արժույթների նկատմամբ կտրուկ նվազել է. եթե անցյալ տարվա …