Breaking News

ՖՈՏՈ. Խոշոր վթար Արարատում. Իրար են բախվել Ford-ն ու «ՎԱԶ 2109»-ը. վիրավորների վիճակը ծանր է

Հայաստանի ԱԻՆ-ում, հոկտեմբերի 31-ին, ժամը 20:16-ին տեղեկություն է ստացվել, որ Արարատի մարզի Դալար գյուղի մոտակայքում տեղի է ունեցել ավտովթար, կան տուժածներ. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Պարզվել է, որ Հ-8 ավտոճանապարհի 1-ին կմ-ին բախվել են «Ford Transit» մակնիշի (վարորդ` 30-ամյա Հ. Մ.) 34 RN 306 և «ՎԱԶ-2109» մակնիշի (վարորդ՝ 27-ամյա Ա. Գ.) 35 LP 728 պետհամարանիշերով ավտոմեքենաները:

Փրկարարները «ՎԱԶ-2109» մակնիշի ավտոմեքենայից դուրս են բերել վարորդ Ա. Գ.-ին, ուղևորներ՝ 56-ամյա Լ. Մ.-ին, 56-ամյա Ռ. Գ.-ին և մոտեցրել շտապօգնության ավտոմեքենային. տուժածները մարմնական վնասվածքներով հոսպիտալացվել են «Էրեբունի» ԲԿ, որտեղ բժիշկները Լ. Մ.-ի և Ռ. Գ.-ի առողջական վիճակը գնահատել են ծանր, իսկ Ա. Գ.-ինը՝ միջին ծանրության:

Փրկարարները հոսանքազրկել են ավտոմեքենաները, փակել «ՎԱԶ-2109» մակնիշի ավտոմեքենայի գազի բալոնի փականը և մեքենան մոտեցրել քարշակին:

[smartslider3 slider=173]

Check Also

ՖՈՏՈ. Երևանյան բնակարանում հայտնաբերել են 24-ամյա աղջկա՝ անգիտակից վիճակում

Երեւանում դեկտեմբերի 29-ին, արտակարգ դեպք է տեղի ունեցել. ժամը 23։55-ի սահմաններում ՀՀ ոստիկանության օպերատիվ կառավարման …