Breaking News

Իտալական եղանակով մարինացված բանջարեղեն

Բաղադրիչներ

1. Սմբուկ – 1 հատ

2. Դդմիկ – 1 հատ

3. Բուլղարական կարմիր պղպեղ – 1 հատ

4. Բուլղարական դեղին պղպեղ – 1 հատ

5. Սև ձիթապտուղ – 100 գ

6. Կանաչ ձիթապտուղ – 100 գ

7. Սպիտակ գինու քացախ – 200 մլ

8. Աղ – 2 ճ/գ

9. Չորացրած հազրեվարդ – 1 թ/գ

10. Բուսայուղ – 300 մլ

11. Ուրց – 1 հատ

12. Սև հատիկով պղպեղ – 8 հատ

 

 

Պատրաստման եղանակը

1. Բանջարեղենը լվանալ: Սմբուկը և դդմիկը օղակաձև շերտատել մոտ 0.5 սմ հաստությամբ: Պղպեղները կիսել, հեռացնել սերմերը և շերտատել: Սմբուկը, դդմիկը և պղպեղը տեղավորել տարբեր թասերի մեջ, վրան խոշոր աղ ցանել և թողնել 1 ժամ, որպեսզի դրանցից դուրս գա ավելորդ խոնավությունը:

2. 1 ժամ անց բանջարեղենը լվանալ սառը ջրով:

3. Առանձին կաթսայում եռացնել քացախը և 200 մլ ջուրը: Ավելացնել սմբուկը և եփել 3 րոպե, հետո դրանք շարել անձեռոցիկի վրա, որպեսզի հեղուկը քամվի:

4. Նույնը կրկնել նաև դդմիկի և պղպեղի հետ: Չորացնել բանջարեղենը 30 րոպե:

5. Բանջարեղենը շարել նախօրոք ստերիլիզացված բանկաների մեջ՝ արանքներում ավելացնելով սև և կանաչ ձիթապտուղ: Վերևում դնել ուրցի ճյուղը:

6. Բուսայուղը և հատիկավոր պղպեղը հասցնել եռման: Ավելացնել հազրեվարդը և խառնել:

7. Տաք բուսայուղը լցնել բանջարեղենի վրա: Բանկան ծածկել և թողնել՝ սառչի: Հենց բանջարեղենը սառչի, բանկան փակել կափարիչով և պահպանել սառը տեղում:

 

Check Also

Կինը գեղեցկության սրահին դատի է տվել և ստացել 271 հազար դոլար փոխհատուցում

Հնդկաստանում կինը վատ սանրվածքի համար դատի է տվել վարսավիրանոցին և այժմ 271.000 դոլար փոխհատուցում է …