Breaking News

«Հրապարակ». ԱԳՆ պաշտոնյան ամբաստանյալի աթոռին է հայտնվել՝ «կեղծ գրին» քարտի համար

«Հրապարակ» թերթը գրում է. «Մեզ տեղեկություններ էին հասել, որ ԱԳՆ «Պետական արարողակարգի ծառայություն» գործակալության պաշտոնական այցերի բաժնի առաջատար մասնագետ Գրիգոր Գրիգորյանի դեմ քրեական գործ է հարուցվել կեղծ «գրին քարտերի» համար։

Փորձեցինք տեղեկությունը ճշտել անձամբ Գրիգորյանից, սակայն նա շատ կտրուկ հերքել է՝ ասելով՝ «Չկա նման բան, գուցե այլ մարդու հետ եք շփոթում, անունը համընկել է»։ Երբ պնդեցինք, որ խոսքն իր մասին է, նա անջատեց հեռախոսը։

«Հատուկ քննչական ծառայությունից եւ Քննչական կոմիտեից մեզ հայտնեցին, որ իրենց մոտ նման գործ չկա, դատախազությունում ընդհանրապես տեղեկություն չունեին։ Իսկ ԱԱԾ-ից մեր տեղեկությունը հաստատեցին՝ պատասխանելով, որ ԱԳՆ պաշտոնյա Գրիգոր Գրիգորյանի դեմ հարուցված քրեական գործն ուղարկվել է դատարան։

Դատական տեղեկատվական համակարգից տեղեկացանք, որ Գրիգոր Գրիգորյանին մեղադրանք է առաջադրվել այն բանի համար, որ նա խաբեությամբ ուրիշի առանձնապես խոշոր չափերով գույքը հափշտակելու դիտավորությամբ 2017թ. հուլիսին ծանոթացել է Վահագն Դավթյանի հետ, ումից նախօրոք տեղեկանալով ընտանիքով ԱՄՆ մեկնելու ցանկության մասին` վստահեցրել է, որ 30 հազար ԱՄՆ դոլարի դիմաց կարող է կազմակերպել ԱՄՆ-ում «գրին քարտ» ստանալը»:

Մանրամասները՝ թերթի այսօրվա համարում:

Check Also

Արա Այվազյանը վերադառնում է. «Հրապարակ»

«Հրապարակ» թերթը գրում է. «Մեր տեղեկություններով, ՀՀ նախկին արտգործնախարար Արա Այվազյանը եւ նրա երկու տեղակալները՝ …