Breaking News

«Փաստ» Նախարարության աշխատակազմի ղեկավարի հայտարարագրած միլիոնները

«Փաստ» օրաթերթը գրում է. «Կառավարությանն առընթեր քաղաքաշինության պետական կոմիտեի աշխատակազմի ղեկավար Արամ Մկրտչյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ պաշտոնը ստանձնելու 2017 թ. հայտարարագիրը:

Մկրտչյանը հայտարարագրել է չորս անշարժ գույք՝ երկու հողամաս և մեկական բնակարան ու ավտոտնակ: Նրա սեփականությունն է համարվում նաև «MERCEDES–BENZ E 320» մակնիշի ավտոմեքենան:

Դրամական միջոցները պաշտոնը ստանձնելու օրվա դրությամբ կազմել են 11 միլիոն դրամ, 23 հազար ամերիկյան դոլար ու 21 հազար եվրո: Եկամուտներն էլ ստացվել են աշխատավարձից ու կազմել 1 միլիոն 702 հազար դրամ:

Մկրտչյանը մինչ նշանակումը մոտ մեկ տարի՝ 2016–2017 թթ., կոմիտեի աշխատակազմի ղեկավարի պաշտոնակատարն էր, իսկ մինչ այդ էլ՝ ղեկավարի տեղակալը: Դեռևս 1995 թ. էլ ընտրվել է Ազգային ժողովի առաջին գումարման պատգամավոր»:

Check Also

Արա Այվազյանը վերադառնում է. «Հրապարակ»

«Հրապարակ» թերթը գրում է. «Մեր տեղեկություններով, ՀՀ նախկին արտգործնախարար Արա Այվազյանը եւ նրա երկու տեղակալները՝ …