Breaking News

Աշխատավայրում սեքսուալ հագուստը «էժանացնում է» կերպարը. ոճաբանի խորհուրդները

Շվեյցարացի ոճաբան Աննա Բեյը թվարկել է զգեստապահարանի այն իրերը, որոնք «էժանացնում են» գրասենյակային կնոջ կերպարը:

Նախ, ընկերության աշխատակիցները պետք է խուսափեն խորը բացվածքով վերնաշապիկներից, մինի կիսաշրջազգեստներից և բաց զգեստներից: Բեյն ընդգծել է, որ նորաձև հագուստը հաճախ հակասում է գործնական դրես – կոդի կանոններին և պիտանի չէ պաշտոնական հանդիպումների համար:

Երկրորդ, Բեյը խորհուրդ է տվել դեն նետել անթև վերնաշապիկները:

«Պարզապես ընտրեք թեթև գործվածքներից պատրաստված «շնչող» հագուստ, բայց երբեք մի ցուցադրեք ձեր ուսերը գրասենյակում», – հորդորել է նա: Փորձագետը նշել է, որ թափանցիկ հագուստը, որն ի ցույց է դնում կնոջ ներքնազգեստը, նույնպես անտեղի կլինի աշխատավայրում:

Նույն ցանկում ոճաբանը ներառել է բարձրակրունկ կոշիկները: Նրա կարծիքով, կրունկի առավելագույն բարձրությունը չպետք է գերազանցի ութ սանտիմետրը:

Շարունակելով գրասենյակային կոշիկների թեման, Բեյը խորհուրդ է տվել նախապատվությունը տալ փակ կոշիկներին և խուսափել սանդալներից:

Եզրափակելով, մասնագետը հիշեցրել է՝ պայծառ դիմահարդարումը նույնպես անընդունելի է աշխատավայրում:

1in.am

Check Also

Կինը գեղեցկության սրահին դատի է տվել և ստացել 271 հազար դոլար փոխհատուցում

Հնդկաստանում կինը վատ սանրվածքի համար դատի է տվել վարսավիրանոցին և այժմ 271.000 դոլար փոխհատուցում է …