Breaking News

Չինաստանը սահմանափակել է TikTok-ից երեխաների օգտվելու օրական ժամանակը

TikTok հավելվածի չինական տարբերակի սեփականատերերը (Douyin) սահմանափակել են հավելվածից օգտվելու ժամանակը 14 տարեկանից փոքր երեխաների համար, հաղորդում է CNN-ը:

Այժմ այդ տարիքային կատեգորիայի օգտատերերը կկարողանան օգտվել հանրաճանաչ հավելվածից օրական ընդամենը 40 րոպե ցանկացած պահի՝ առավոտյան 6 -ից երեկոյան 22-ը: Մնացած ժամանակ հարթակն անհասանելի կլինի:

«Դեռահասի ռեժիմ» սահմանելու վերաբերյալ որոշումը կայացվել է՝ անչափահասներին վնասակար ազդեցություններից պաշտպանելու նպատակով:

Ավելի վաղ Չինաստանի իշխանությունները կրճատել էին անչափահասների համար տեսախաղերից օգտվելու ժամանակը: Այժմ մինչև 18 տարեկան երեխաները կարող են խաղալ շաբաթական 3 ժամից ոչ ավելի:

Check Also

Կինը գեղեցկության սրահին դատի է տվել և ստացել 271 հազար դոլար փոխհատուցում

Հնդկաստանում կինը վատ սանրվածքի համար դատի է տվել վարսավիրանոցին և այժմ 271.000 դոլար փոխհատուցում է …