Breaking News

«Ծառուկյան» դաշինքի պատգամավորի պատասխանը «Ելք»-ին

ԱԺ «ԵԼՔ» խմբակցությունում ընդունվել է որոշում օրենսդրական նախաձեռնության կարգով «Հայաստանի Հանրապետության մասով Եվրասիական Տնտեսական Միության Պայմանագրի գործողությունը դադարեցնելու գործընթաց սկսելու վերաբերյալ» Աժ հայտարարության նախագիծ ներկայացնելու վերաբերյալ։«Ելք»-ի օրենսդրական նախաձեռնությունը առայժմ խորհրդարանական այլ ուժերի կողմից հավանության չի արժանանում։ «Ծառուկյան» դաշինքում ծանրակշիռ ապացույցներ են պահանջում այդ միությունում գտնվելու ժամանակաշրջանում Հայաստանի ձեռքբերումների ու ձախողումների առումով։Խմբակցության պատգամավոր Սերգեյ Բագրատյանը NEWS.am-ի հետ զրույցում «Ելք»-ականներին է առաջարկում նախ միանալ իրենց ծրագրերին։
«Նման հզոր գործընթաց ձեռնարկելիս՝ պետք է կշռադատել, վերլուծել, հաշվարկել ռիսկերը, արդեն իրողություն է ԵՏՄ-ի կազմում Հայաստանի լինելը։ Էս պահին մենք պետք է հիմնավորենք՝ ինչու ենք դուրս գալիս եւ որն է այլընտրանքը։ Այն գործառույթները, որոնք ի վիճակի ենք իրականացնելու ԵՏՄ-ի շրջանակում արդյոք ի վիճակի ենք իրականացնել այլ կառույցի մեջ։ Ունե՞ն հստակ քաղաքականություն դուրս գալուց հետո ինչ պետք է անենք։ ԵՏՄ-ում բազմաթիվ տնտեսական շահեր ենք սպասարկում։ Իրենց այլընտրանքը ո՞րն է»,- հարցնում է պատգամավորը: Դիտարկմանը, որ «Ելք» դաշինքը մանրակրկիտ ներկայացրել է բոլոր ոլորտներում արձանագրված ձախողումները, Բագրատյանը հակադարձել է.«Տնտեսական առումով դեռեւս հիմնավորված եւ ապացուցված չէ ԵՏՄ-ի կազմում լինելը մեզ օգնում է, թե՞ խանգարում է։ Այս պահին չկան թվեր, որ մենք վերլուծենք ու ասենք, որ վնաս տվեց ԵՏՄ-ի մեջ մտնելը»։ Սերգեյ Բագրատյանը առաջարկեց մինչ ԵՏՄ-ից դուրս գալու գործընթացը սկսկելը, երկրի խնդիրներով մտահոգները նախ միանան իրենց 15 կետանոց նախընտրական ծրագրին.«Այնպես չի, որ մենք որեւէ դաշինքի ծրագրային ծիրում փորձելու ենք տեղավորվել։ Մենք ունեն մեր ծրագրերը, իրենք պետք է մտածեն մեր ծրագրերին միանալու են, թե ոչ։ «Ծառուկյան» դաշինքը լավագույն 15 կետով ծրագիր ունի։ Եթե մտահոգ են երկրի տնտեսական զարագացման խնդիրներով պետք է միանան այդ 15 կետին»,-հայտարարեց պատգամավորը՝ ընգծելով, որ այլոց ծրագրերը իրենց հետաքրքրում են այնքանով, որքանով որ աղերս ունեն իրենց 15 կետի հետ

Check Also

Վլադիմիր Պուտինի ուղերձը՝ Նիկոլ Փաշինյանին

Ռուսաստանի Դաշնության նախագահ Վլադիմիր Պուտինը շնորհավորական ուղերձ է հղել վարչապետ Նիկոլ Փաշինյանին՝ գալիք Ամանորի և …