Breaking News

«Փաստ». ՍԱՊԾ–ում «մառոզ» անողին նշանակել են պետի տեղակալ

«Փաստ» թերթը գրում է. «Վարչապետի որոշմամբ Եղիշե Մարգարյանը նշանակվել է ՀՀ գյուղատնտեսության նախարարության Սննդամթերքի անվտանգության պետական ծառայության պետի տեղակալ:

Հիշեցնենք, որ մինչ այդ նա զբաղեցնում էր ծառայության պետի խորհրդականի պաշտոնը և մամուլում հրապարակված տեղեկությունների համաձայն նա էր ՍԱՊԾ–ի կադրային ներքին քաղաքականության հարցերով զբաղվում: Ամենամեծ աղմուկը նրա անվան շուրջ բարձրացավ, երբ Նարեկ Մանթաշյանը հրապարակավ հայտարարեց, որ թեև ինքն էր մրցույթում հաղթել, սակայն վերևից նրան հորդորել էին մնալ տանը, մինչև իր համար նոր պաշտոնատեղ բացվի:

Նա հայտարարել էր նաև, որ ՍԱՊԾ բոլոր աշխատակիցները կադրերի բաժնում երկու դիմում են գրում, մեկը աշխատանքի ընդունվելու, մյուսն՝ ազատման: Եվ ցանկացած պահի կարող է ազատման դիմումը մակագրվել, ինչի վախից էլ բոլոր աշխատակիցները ամեն օր դողալով էին աշխատանքի գալիս:

Փաստորեն ստացվում է, որ ՍԱՊԾ–ում «մառոզ» անողին հիմա էլ նշանակել են պետի տեղակալ: Մնում է սպասել ու տեսնել, թե նշված հակամարտության մանրամասներն ուսումնասիրելուց հետո ՀՀ դատախազությունն ինչպես կգնահատի ՍԱՊԾ պետի նախկին խորհրդական, ներկայում՝ պետի տեղակալ Ե. Մարգարյանի գործողությունները»:

Մանրամասը՝ թերթի այսօրվա համարում:

Check Also

Արա Այվազյանը վերադառնում է. «Հրապարակ»

«Հրապարակ» թերթը գրում է. «Մեր տեղեկություններով, ՀՀ նախկին արտգործնախարար Արա Այվազյանը եւ նրա երկու տեղակալները՝ …