Breaking News

Վահրամ Բաղդասարյանի գրասենյակի հաղորդագրությունը Գեղամյան-Փաշինյան միջադեպի վերաբերյալ

ԱԺ «Հայաստանի Հանրապետական կուսակցություն» խմբակցության ղեկավար Վահրամ Բաղդասարյանի գրասենյակը հաղորդագրություն է տարածել, որում դատապարտել է ԱԺ-ում նախօրեին «ԵԼՔ» խմբակցության ղեկավար Նիկոլ Փաշինյանի ու ՀՀԿ խմբակցության անդամ Արտաշես Գեղամյանի միջեւ տեղի ունեցած ծեծկռտուքը.

Հայտարարության մեջ ասված է. «Ազգային ժողովում երեկ պատգամավորների միջեւ տեղի ունեցած միջադեպի հետ կապված` եւս մեկ անգամ հայտարարում ենք մեր տեսակետը. Հայաստանի Հանրապետական կուսակցությունը եւ խմբակցությունը խիստ բացասաբար եւ քննադատաբար են մոտենում քաղաքակիրթ մոտեցումների սահմանները հատող հարցի լուծման ցանկացած այլ ձեւաչափի: Վիճաբանություններից, հայհոյանքներից, վիրավորանքներից, նույնիսկ, քաշքշոցներից ոչ մի պառլամենտ ապահովագրված չի, դա է ցույց տալիս միջազգային փորձը, բայց մեզ համար նման ձեւով հարաբերություններ պարզելը, պարզապես անընդունելի է, մենք պետք է ներդնենք մեր բոլոր ջանքերը, որպեսզի ՀՀ ԱԺ-ում ի սպառ վերանան եւ բացառվեն նման երեւույթները: Հորդորում ենք բոլոր քաղաքական ուժերին եւ քաղաքական գործիչներին վերանայել իրենց մոտեցումները եւ վերադառնալ քաղաքակիրթ դաշտ»:

Check Also

ՏԵՍԱՆՅՈՒԹ. Ասում են` Անդրանիկը 100 թուրք է սպանել. Այսօր Ապրիլյան պատերազմի հերոս ծննդյան օրն է

Այսօր ապրիլյան պատերազմի հերոս, Թալիշում զոհված զինծառայող, գնդացրորդ Անդրանիկ Զոհրաբյանի ծննդյան օրն է։ Նա կդառնար …